سرخ لومڑی کا راز: احمد اور لالا کی دوستی
راوی:
لالا کے کالج آنے سے احمد حیران رہ گیا تھا۔ اسے سمجھ نہیں آ رہا تھا کہ جس لڑکی کو اس نے گھر پر رہنے کو کہا تھا، وہ اچانک اسی کے کالج میں کیسے آ گئی۔
لالا کلاس میں داخل ہوئی اور سب کو حیران کرتے ہوئے سیدھا احمد کے پاس جا کر بیٹھ گئی۔
احمد (آہستہ آواز میں):
"میں نے تمہیں گھر پر رہنے کو کہا تھا۔ تم یہاں کیا کر رہی ہو؟"
لالا:
"ماسٹر، میں گھر میں بیٹھ کر بور ہو رہی تھی، اس لیے سوچا کہ آپ کے کالج بھی آ جاؤں۔"
احمد:
"اور تمہارا نام لالا کیسے بن گیا؟"
لالا (مسکرا کر):
"مجھے لگا کہ آپ کو لالا نام پسند آئے گا، اس لیے میں نے یہی نام رکھ لیا۔"
احمد:
"نہیں... ویسے لالا نام واقعی اچھا ہے۔"
راوی:
احمد کے لیے یہ سب بہت عجیب تھا، لیکن کہیں نہ کہیں اسے لالا کا معصوم انداز اچھا لگنے لگا تھا۔
چھٹی کا وقت
(کلاس ختم ہونے کی گھنٹی بجتی ہے۔)
لالا:
"اوہ! چھٹی کا وقت ہو گیا! ٹن ٹن ٹن ٹن!"
(لالا خوشی سے کلاس سے باہر بھاگ جاتی ہے۔)
احمد:
"رکو لالا! باہر مت جاؤ!"
لالا (ہنستے ہوئے):
"ماسٹر، اگر پکڑ سکتے ہو تو پکڑ لو!"
(احمد اس کے پیچھے بھاگتا ہے۔)
راوی:
احمد لالا کو تلاش کر رہا تھا کہ اچانک کچھ سینئر لڑکوں نے اس کا راستہ روک لیا۔
شرارتی لڑکوں سے مقابلہ
تین لڑکے احمد کے سامنے آ گئے۔
لیڈر لڑکا:
"میں نے سوچا تھا تم میں کچھ خاص بات ہوگی، لیکن تم تو بالکل بیکار نکلے۔"
لیڈر لڑکا:
"پتا نہیں لڑکیاں تم جیسے چومو میں کیا دیکھتی ہیں۔"
احمد:
"میرے پاس تم لوگوں کے لیے کچھ کہنے کو نہیں ہے۔ تم لوگ اپنا وقت ضائع کر رہے ہو۔"
لیڈر لڑکا:
"کیا کہا؟ کیا تم ہمیں چیلنج کر رہے ہو؟"
احمد:
"تم لوگوں میں اتنی طاقت بھی نہیں کہ میں تمہیں چیلنج سمجھوں۔"
لیڈر لڑکا:
"بہت غرور ہے تم میں!"
(لڑکے احمد پر حملہ کرتے ہیں، لیکن احمد بہت تیزی سے ان کا مقابلہ کرتا ہے۔)
چند لمحوں میں احمد تینوں کو شکست دے دیتا ہے۔
لڑکا:
"یہ... یہ کیسے ہو گیا؟"
احمد:
"اگلی بار کسی کو کمزور سمجھنے سے پہلے سوچ لینا۔"
(تینوں لڑکے ڈر کر وہاں سے بھاگ جاتے ہیں۔)
دوستی کا وعدہ
راوی:
اتوار کے دن احمد لالا کو سیر کے لیے باہر لے گیا۔ دونوں ایک بڑے درخت کے نیچے بیٹھ گئے۔
لالا:
"احمد، میں تمہارا شکریہ ادا کرنا چاہتی ہوں۔"
احمد:
"کس بات کا، لالا؟"
لالا:
"نہیں، مجھے بولنے دو۔"
لالا:
"تم نے میری جان دو بار بچائی ہے۔"
لالا:
"میری زندگی اب تمہاری وجہ سے ہے۔ آج سے میں تمہیں اپنا ماسٹر مانتی ہوں۔ میں ہر خطرے سے تمہاری حفاظت کروں گی۔"
احمد:
"نہیں لالا، ایسا مت کہو۔"
احمد:
"میں تمہارا ماسٹر نہیں ہوں۔ میں نے تمہاری مدد صرف انسانیت کی وجہ سے کی تھی۔"
احمد:
"اب تم آزاد ہو، جو چاہو کر سکتی ہو۔"
لالا (اداس ہو کر):
"کیا اس کا مطلب ہے کہ تم مجھے پسند نہیں کرتے؟"
احمد:
"نہیں، ایسی بات نہیں ہے۔"
احمد:
"ہم دوست ہیں۔ اور دوستی میں سب برابر ہوتے ہیں۔"
لالا:
"دوست؟ دوست کیا ہوتا ہے؟"
احمد:
"دوست وہ ہوتا ہے جو مشکل وقت میں ساتھ کھڑا ہو۔"
احمد:
"جو غلطی پر سمجھائے، مدد کرے اور تمہارے احساسات کی فکر کرے۔"
لالا (خوش ہو کر):
"تو پھر تم میرے دوست ہو!"
لالا:
"تم میرے دوست ہو!"
لالا کی حفاظت
راوی:
کچھ دن بعد وہی لڑکے دوبارہ احمد کو تنگ کرنے آ گئے۔
لیڈر لڑکا:
"کیا تم ہم سے ڈر گئے ہو؟ ایک لڑکی کے پیچھے چھپ رہے ہو؟"
لیڈر لڑکا:
"سامنے آؤ اور ہم سے مقابلہ کرو!"
لالا:
"اگر میرا دوست تم سے لڑنا نہیں چاہتا تو تم اسے بلا وجہ کیوں تنگ کر رہے ہو؟"
لیڈر لڑکا:
"بچے، تم اس بزدل میں کیا دیکھتی ہو؟ اسے دوست کہتی ہو؟"
لالا:
"ہاں، یہ میرا دوست ہے۔"
لالا:
"اور اگر تمہیں احمد سے لڑنا ہے تو پہلے تمہیں مجھ سے مقابلہ کرنا ہوگا۔"
لیڈر لڑکا:
"کیا؟ ایک لڑکی سے لڑنے میں کوئی مزہ نہیں۔"
لالا:
"کوشش کر کے دیکھ لو۔ میں تمہیں احمد تک پہنچنے نہیں دوں گی۔"
احمد:
"لالا، تمہیں ان سے لڑنے کی ضرورت نہیں ہے۔ چھوڑ دو۔"
لالا:
"نہیں!"
لالا:
"تم نے میری کئی بار حفاظت کی ہے، اب میری باری ہے۔"
لالا:
"اگر کوئی خطرہ تمہارے پاس آئے گا تو پہلے اسے میرا سامنا کرنا ہوگا۔"
لالا:
"تم نے کہا تھا دوست ایک دوسرے کی حفاظت کرتے ہیں۔"
لالا:
"اب یا تو مقابلہ کرو یا یہاں سے چلے جاؤ!"
(لالا حیرت انگیز رفتار سے تینوں لڑکوں کو شکست دے دیتی ہے۔)
احمد (حیرت سے):
"لالا... تم اتنی طاقتور ہو؟"
راوی:
احمد پہلی بار لالا کی اصل طاقت دیکھ کر حیران رہ گیا۔
نئے چاند کا راز
راوی:
رات کو گھر واپس آنے کے بعد احمد نے محسوس کیا کہ لالا کچھ پریشان ہے۔
احمد:
"کیا ہوا لالا؟ آج تم اتنی خاموش کیوں ہو؟"
لالا:
"احمد، کیا تم نئے چاند کی روشنی کے بارے میں جانتے ہو؟"
احمد:
"ہاں، جب چاند پوری طرح روشن ہوتا ہے۔"
لالا:
"آج رات وہ وقت آنے والا ہے۔"
احمد:
"کیا مطلب؟"
لالا:
"اس رات میں اپنی اصل شکل میں واپس آ جاتی ہوں۔"
لالا:
"میری طاقت کئی گنا بڑھ جاتی ہے، لیکن میں خود پر قابو نہیں رکھ پاتی۔"
لالا:
"مجھے ڈر ہے کہ کہیں میں تمہیں نقصان نہ پہنچا دوں۔"
احمد:
"لالا، فکر مت کرو۔ ہم اس کا کوئی حل ضرور نکالیں گے۔"
چھپا ہوا راز
راوی:
لیکن احمد اور لالا کو معلوم نہیں تھا کہ کوئی اور بھی ان کی بات سن رہا تھا۔
گھر میں چھپا ہوا ایک چور ان کی گفتگو سن چکا تھا۔
چور (دل میں):
"تو یہ لڑکی ہی وہ سرخ لومڑی ہے؟"
چور:
"اگر میں اس کا راز سب کو بتا دوں تو مجھے بہت بڑا انعام مل سکتا ہے۔"
راوی:
اب لالا کا راز خطرے میں تھا، اور نئے چاند کی رات ایک نئی مشکل لے کر آنے والی تھی۔
جاری ہے...
